GENERAL SANTOS CITY – Mas daghan ang pasyente nga mga residente sa GenSan ang naulian kaysa sa bag-ong natakbuyan sa coronavirus disease 2019 infection kagahapon.
Base sa datos nga gipagwas sa DOH Center for Health Development Soccsksargen Region nga duha ka residente dinhi sa dakbyaan ang bag-ong kaso sa COVID 19 samtang ang nagmaayo na sa sakit ang mukabat sa walo.
Base sa case profile nga gipagawas lakip sa bag-ong nagpositibo ang 78 anyos nga lalake lomolopyo sa Zone 7 Brgy. Fatima ug 62 anyos nga lalaki nga nagpuyo sa Malesido Home Brgy. San Isidro.
Alayon niini, misaka na sa 1,923 ang Covid-19 cases sa siyudad, kung asa 1,736 ang nakarekober na, 76 ang patay, anaa sa 117 ang aktibong kaso.
Samtang, sa tibuok Rehiyon 12 mukabat pa sa 370 ang aktibong kaso kung asa mitala og 146 ang South Cotabato, 78 sa North Cotabato, 25 sa Sultan Kudarat, og napulo sa Sarangani Province.
Gikan sa 5,408 ka kaso sa tibuok rehiyon, mukabat na sa 4,844 ang nakarekober sa COVID infection.
