GENERAL SANTOS CITY – Masayran karong semana kung madayon ba o dili ang giluto nga engkwentro tali nilang Sen. Manny Pacquiao og Terence Crawford.
Matud ni Top Rank Promotions CEO Bob Arum, may investor na matud pa nga andam nga magpagawas og salapi aron abagahon ang hilabihan ka-mahal nga site fee madayon lamang ang nasangpit nga megafight.
Sa pakighinabi sa Bombo Radyo kang Sen Pacquiao atol sa pagsusi niini sa development sa pabalay niini sa Brgy. Bagacay, Alabel, Sarangani gikumpirma niining magmeeting sila sa promoter ning semana kabahin sa engkwentro lakip ang petsa kun kanus-a ang panagsanka.
Kahinumduman nga sa una naa sa poder ni Arum si Pacquiao una nga mihawa sa Top Rank niadtong 2017.
Una niini nangayo ang Fighting Senator og 40-million dollars alang sa away niini kang Crawford. Nasuta nga nagsugod na si Sen Pacquiao sa iyang light training.
