GENERAL SANTOS CITY – Giandam na karon sa kapulisan sa Arakan ang kasong murder batok sa mga suspek nga mipatay sa usa ka lending collector nga nahitabo sa miaging semana sa nasampit nga lugar.
Kahinumduman, ang biktima giila sa pangalan nga si Jerick Ferolino nga residente sa Laak Davao de Oro.
Matud pa ni PMaj. Orde Julian, ang hepe sa Arakan Police Station, personal grudge ang nakit-an nilang motibo sa pagpusil patay og pagsunog pa sa biktima.
Gibutyag sa opisyal nga may nailhan na silang suspek apan dili pa mabutyag ang pangalan tungod wala pa mapasaka ang kaso.
Sa pamahayag pa sa nasampit, may nahinabi na usab silang testigo apan sa karon ginahulat lang nga mahinabi ang pamilya gumikan gihiluna pa ang biktima.
Ang pagpasang-at og kaso ang iagi na lang sa regular filing.
