GENERAL SANTOS CITY – Nadugangan pa og 16 nga bag-ong kaso sa Covid-19 ang General Santos City.
Sa gipagawas nga datus sa DOH-Center for Health Development, misaka na sa 1,744 ang kinatibuk-ang kaso sa syudad, kung asa 183 niini ang gikonsiderang aktibong kaso.
Samtang nagpabilin sa 74 ang ihap sa mga nakabsan sa kinabuhi ug 1,487 ang naka-rekober, human madugang ang walo nga bag-ong nangaayo sa maong mga pasyente.
Samtang sa datus usab sa DOH 12, tulo pa ka mga residente sa Soccsksargen ang nakabsan sa kinabuhi human magpositibo sa Covid-19 infection.
Namatay ang 78 anyos nga residente sa Koronadal City; 61 anyos nga lalaki nga Tulunan, Cotabato ug 51 anyos nga babaye nga taga-Isulan Sultan Kudarat.
Alayon niini, misaka na sa 174 ang Covid-19 related deaths sa rehiyon. Sa kinatibuk-ang ihap, 74 niini sa General Santos City; 32 sa North Cotabato; 17 sa Sarangani Province; 35 sa South Cotabato ug 16 sa probinsiya sa Sultan Kudrat.
