GENERAL SANTOS CITY – Electrical wirings ang posibleng gitan-aw nga hinungdan sa natigayong sunog sa Notary office ni Polomolok Vice Mayor Xavier Bayan sa Brgy. Dadiangas South Extension ning syudad.
Gilayong narespondihan sa Bureau of Fire Protection GenSan ang sunog hinungdan nga dili kaayo dako ang nahimong damyos nga gibanabanaan lamang nga mukabat sa P20,000.
Matud pa ni Atty. Bayan, partially damage ang ilang opisina sa natigayong sunog nga nagsugod sa kisame.
Gikabutyag nga karaan na kaayo ang gambalay nga gikahimutagan sa ilang opisina kung asa 40 ka tuig na ang nakalabay sukad nga kini natukod. Gibutyag niini nga posibleng ang koneksyon sa wirings ang sinugdanan sa kalayo.
Sa pamahayag pa sa nasampit matag alas 5:00 sa hapon ginasirado na nila ang law office og gisiguro nga tanang nakasaksak ang gipang-ibot.
Mapasalamaton si VM Bayan nga walay nasamdan sa iyang mga empleyado sa sunog.
Natigayon ang sunog kagahapon alas 5:30 sa hapon og gideklarang fire-out sa BFP alas 6:00 sa gabie.
