GENERAL SANTOS CITY – Giluwayan hangtud sa Enero 31, 2021 ang renewal sa business permit karong tuiga.
Matud pa kang Geraldine Zamora, ang labaw sa Business and Licensing Division (BPLD) nga kini gumikan daghan ang mihangyo nga mga establismento nga wala pay kwarta hangtud karon gumikan sa pandemic o kaha ang ubang mga negosyo ang wala pa nagpadala og kwarta ang ilang main office sa kauluhan.
Gikadugang pa ni Zamora nga nasabtan ni Mayor Rivera ang sitwasyon gumikan sa pandemnya .
Samtang kapin na sa 8,000 ka mga business permit ang na-isyu sa BPLD kung asa mas daghan itandi sa target nga 7,000.
Gikadugang pa ni Zamora nga halos susama ang gidaghanon sa business permit ang ilang na-isyu sa miaging tuig og ning higayona apan sa katibuk-ang tuig sa 2020 kapin sa 11,000 ang na-isyu nga business permit.
Giangkon ni Zamora nga 80 ang mga bag-ong business permit nga narelease sa BPLD sa pagkakaron.
Gapanawagan ang nasampit nga opisyal sa mga magproseso sa business permit nga angayang sundon ang protocols aron makalikay sa COVID 19.
