GENERAL SANTOS CITY – Gikumpirma ni Kagawad Lucio Cawayan, Indigenous People Mandatory Representative (IPMR) sa Sangguniang Panlungsod nga gilugwayan ang iyang termino.
Matud pa ni Cawayan nga sa miaging Enero 3, 2021 nahuman ang iyang tulo ka tuig nga termino.
Gikadugang pa niini nga gihatagan siya og otorisasyon sa National Commission on Indigenous People (NCIP) nga luwayan ang iyang termino.
Iyang gibutyag nga base sa kamanuduan nga magpabilin siya sa iyang pwesto hangtud nga mahuman ang pandemnya.
Nakalatid nga kung mahuman ang pandemnya makalabay ang usa ka bulan magpahigayon og selection process alang sa sunod nga IPMR.
Samtang nagpasalamat si Cawayan sa Ginoo nga nahuman niini ang iyang termino dungan sa pagsalig nga magtrabaho pagmaayo aron maserbisyohan pa ang tribong Blaan.
Nasayran nga ang unang tulo ka mga IPMR sa konseho nga silang Kag. Mario Impal, Kag. Juanito Kindat og Kag. Ben Talon gumikan pulos namatay samtang anaa pa sa serbisyo.
