GENERAL SANTOS CITY – Gikasuhan na ang unom ka tawo nga nasikop sa hiniusang pwersa sa PDEA Gensan-Sarangani Provincial Office og kapulisan sa GenSan sa natigayon nga buy-bust operation nga nagresulta sa hot pursuit operation nga nadiskubrehan ang usa ka drug den sa Purok Masagana, Brgy. San Isidro, ning syudad.
Ang mga naaresto silang Jhayr Olar 31, drug den maintainerc, Edcel Bercasio , 26, partsman, Edwin Animo , 25, glass installer, Kenneth Lloyd Manansala , 21, mekaniko, Jericho Flores 19, og Ronaidalyn Marianol, 21, nga walay mga trabaho.
Nakumpiska sa operasyon ang upat ka sachet sa shabu nga may gimbug-aton nga 13 grams nga nagkantidad og P88,400 og nagkadaiyang mga drug paraphernalia og buy-bust money.
Gibutyag nga si John Moraga ang source sa ilegal nga droga nila Olar og Mariano nga unang nasikop sa miaging January 20, 2021 sa Brgy. Dadiangas North, ning syudad. Samtang sa laing operasyon dakpan usab sa PDEA 12 si Rey Moraga, 24 anyos, walay trabaho og residente sa Balite, Lagao, ning syudad.
Sa gipahigayong hot pursuit operation nadiskubrehan usab ang drug den, nga nagresulta sa pagkasikop nilang Troy Benigno Bangoy, 43, driver, Salvador Carmona, 38, leadman, John Bismarck Parcon, 29, delivery man, og Roland Panerio, 35, security guard.
Si Moraga ang unang nasikop na gumikan sa ilegal nga droga nga ilawom sa probation human nga nagpahigayon og plea bargain agreement.
