14 yrs.old menor de edad patay human mabanggaan sa Bonggo

GENERAL SANTOS CITY -Patay ang usa ka menor de edad nga babaye sa aksidente sa dalan nga natigayon sa dakbayan sa Heneral Santos City.

Nakabsan sa kinabuhi ang biktima nga nailhan nga si alias “Aya”, 14 anyos nga residente sa Brgy. Tamban, Malungon, Sarangani Province.

Nasayran nga usa ka Kia Bonggo nga may plaka nga MAG8227ang nakabangga sa biktima.

Gikabutyag nga kalit lang mitabok ang biktima hinungdan nga nabanggaan sa Bonggo nga panag-iya sa Phil Car Sales and Rental Services.

Hinuon ang driver nga si Luis Zemato Zarsa Jr. 44 anyos, nga residente sa Datal Batong Malungon Sarangani ang nisurender sa Tinagacan Police Station 8 og na-detine karon sa Traffic Management Unit.