GENERAL SANTOS CITY -Dul-an sa 800 ka mga kanhi rebelde ang nakadawat og financial assistance gikan sa gobyerno sa miaging tuig isip kabahin sa kampanya sa gobyerno batok sa COVID 19.
Gibutyag nga ang 758, ka mga benepisyaryo ang nakadawat og cash assistance kung asa gihatagan usab og family food packs aron makatabang sa ilang panginahanglanon gumikan sa COVID 19.
Sa pamahayag ni DSWD 12 Director Cezario Joel Espejo nga P2.6 million ang pondo nga nahatag kung asa ang 466 ang nahatagan og cash assistance samtang ang 83 ang lakip sa Social Amelioration Program; 168 ang gihatagan og Family Food Packs og 41 ang nalakip sa crisis intervention unit.
Ang pagtabang sa maong ahensya sa mga rebel returnees ang base Executive Order No. 70 ni Pangulong Rodrigo Duterte nga gipirmahan kaniadtong December 2018 nga mahuman ang Local Communist Armed Conflict.
