GENERAL SANTOS CITY- Giimbestigahan pa sa kapulisan kung adunay foul play o wala ang kamatayon sa usa ka mekaniko nga nakit-an nga naglutaw lutaw sa kadagatan sa may bahin GenSan Fishport sa Brgy. Tambler ning syudad.
Ang biktima nailhan sa pangalan nga si Simaco Cobella Abero, 54 anyos, lumad nga taga Magsaysay, Zamboanga del Sur.
Matud pa kang Michelle Saman, bayaw sa namatay nga nagduda sila nga ang ilang kabanay ang nakit-ang walay kinabuhi sa may bahin sa GenSan Fishport human nga mikatag ang hulagway sa social media.
Gawas pa nga mitawag ang iyang magulang nga nagsulti nga tan-awon ang patay nga lawas kung kini ba si Simaco.
Sa iyang pamahayag nga walay kaaway ang biktima.
Nasayran usab nga si Abero, ang gapuyo sa bangka.
Gibutyag sa mga pulis nga walay nakit-ang samad og unsa mang kadudahan sa lawas sa biktima.
