GENERAL SANTOS CITY – Adunay igong pagsalig si Atty. Luiz Salazar, usa sa mga abogado sa dakbayan sa mga imbestigador sa Makati PNP kalabutan sa kamatayon sa taga GenSan nga flight attendant nga si Christine Dacera.
Matud pa kang Atty. Salazar nga sa iyang pag-obserba anaa sa right track ang mga imbestigador sa kaso apan angayang tun-an pagmaayo ang krimen.
Gikadugang pa niini nga angayang klaruhon una ang kremin una desisyonan nga adunay conspiracy o nagkonsabo ang mga kauban ni Dacera.
Angayang usa-usahon sa pagdetermina sa mga pulis ang kalambigitan sa tanang mga kauban ni Dacera aron masayran ang ilang partisipasyon.
Una niini gibutyag sa mga pulis nga adunay lacerations sa kinatawo ang biktima gawas nga adunay samad og bun-og ang paa og tuod.
Gibutyag nga lakip sa ebidensya ang CCTV footage sa hotel.
Ang pamilyang Dacera ang hugot nga gasinggit og hustisya alang sa kamatayon sa ilang mahal sa kinabuhi.
