GENERAL SANTOS CITY – Nagpabilin sa selda sa San Isidro PNP sa ang usa ka lalake human nga gipusil ang kaubang gwardya.
Gibutyag ni Police Capt. Brent Ian Salazar, chief of police sa San Isidro PNP nga ang namatay ang nailhan nga si Jacinto Balbuena Sangalang, 37-anyos, security guard sa Guardsman Security Agency nga residente sa Purok Riverside, Barangay San Isidro, GenSan.
Samtang ang suspek mao si Jomarie Embac Sagucom, 19-anyos nga parehong security guard nga residente sa Arakan, North Cotabato.
Ang insidente natigayon sa Isabela Homes Extension, Barangay San Isidro, GenSan.
Gibutyag nga sa miagig mga adlaw naglalis ang duha ka guwardya kung asa mihangyo si Sugucom nga mu-straight sa pagduty tungod magabsent apan mibalibad.
Gipaklaro niini nga walay natigayon nga pagpinusilay ang duha ka mga suspek.
Matud pa nga sa pag-abot sa biktima nga mupuli kang Sagucom, gipusil niini si Sangalang, gamit ang kalibre 38 nga armas nga ilahang service firearm nga pulos igo sa dughan nga bahin .
