GENERAL SANTOS CITY – Aprobado na sa Sangguniang Panlungsod nga subli nga mag-operate ang Small Town Lottery (STL).
Matud pa ni Jeng Gacal, chairperson sa committee sa games and amusement sa konseho nga wala siya nakabalo nga may gisumiti na sa session nga ordinansa nga gilakip pa sa other business.
Sa iyang pamahayag nga siya mismo ang nagpahigayon og committee isip chairperson kung asa wala pa nahuman ..
Gikadugang pa niini nga may utang pa sa syudad ang Philippine Charity Sweepstakes Office (PCSO) apan sa bahin sa maong ahensya nga ilang nahatag na ang tanan nga alang sa dakbayan.
Samtang gusto usab masayran ni Gacal nganong gikan sa 3% nga share sa dakbayan nahimo na lang nga 0.5% .
Kahibaluan nga si Kag. Brix Tan, vice chaiperson sa committee games and amusement ang nagsponsor sa aplikasyon sa STL nga subli mag-operate sa dakbayan.
Nasayran nga Mayo 2020 na-expired na ang concurrence sa STL apan Marso pa lang nanirado na gumikan sa pandemic.
Una niini gibutyag ni Gacal nga mitugot ang executive department nga magbalik ang operasyon sa STL bisag expired ang concurrence gumikan may nahibilin pa nga pipila ka bulan nga wala nag-operate tungod sa pandemnya.
