GENERAL SANTOS CITY- Padayon karon nga ginaoberbahan sa mga mananambal sa pribadong ospital ning siyudad ang usa ka negosyante human gipusil sa wala mailhing nakamotorsiklo nga suspetsado atbang mismo sa iyang panimalay nga nahimutang sa Salvani St. Block 8 Baràngay City Heights ning dakbayan sa Heneral Santos pasado alas 6 ang takna kagabie, Disyembre 13, 2020.
Ang biktima giila sa kapulisan nga si Melvin Empillo Romero, 40 ànyos, lumulupyo sa nasampit nga lugar. Sa pamahayag sa kapikas sa biktima nga si Evelyn nga nakatagbo pa niini ang gunman dihang miabot sila sa ilang panimalay gikan sa pagpanimba.
Nakurat na lang kini nga kalit nga gipusil sa suspek ang iyang bana.
Human sa panghitabo dali nga misibat ang mga suspek sa wala matino nga direskyon samtang ang biktima dali nga gitabangan sa mga residente sa lugar ug gidala sa balay tambalanan.
Gibutyag asawa nga walay bisyo ang bana ug ang bugtong ilang negosyo lang ang ginaatiman niini.
Narekober sa mga otoridad sa crime scene ang pito ka basiyo sa bala sa kalibre punto 45. nga pistola nga kasamtangang gi-intrigo na sa PNP Crime Laboratory aron sa pagpailawom sa ballistic examination.
Nasuta nga ganegosyo matud pa og sex toys, ukay-ukay samtang aduna usab sarisari store ang magtiayon.
