GENERAL SANTOS CITY– Nagtingkagol sa selda sa Lagao Police Station ang wanted sa Kabacan North Cotabato human nga nadakpan sa otoridad dinhi sa dakbayan pinaagi sa warrant of arrest tungod sa kasong gi-atubang niini nga syndicated estafa.
Giila ang suspek nga si Jessie Yumul, 56 anyos,ulitawo ug residente sa Purok Stepin, Digos Makar Road, Barangay Lagao.
Nasayran nga alas 4:00 sa hapon una nga gikasa ang manhunt charlie sa hiniusang pwersa sa Lagao Police Station, RID 12 ug Kabacan Municipal Police Station sa nahisgutang lugar ang pagpatuman sa warrant batok sa suspek.
Dunay criminal case no. 08-119 nga giisyu ni Judge Francis Palmores Jr. sa RTC Branch 22, 12th Judicial Region, Kabacan Cotabato nga pinetsahan pa niadtong bulan sa Hunyo 30, 2009 nga dunay piyansang girekomenda ang korte nga mobalor sa P18,000 alang sa temporaryong kagawasan sa suspetsado.
