GENERAL SANTOS CITY – Nangayo og tabang sa Sangguniang Panlungsod si Barangay Kapitan Paolo Natividad aron mabalhin ang mga informal settlers sa ilang lugar.
Matud pa kang Kap. Natividad nga may DILG order sa miaging Novermber 15, 2020 nga ang tanang mga lugar nga anaa sa modified general community quarantine (MGCQ) ang angayang ipadayon na ang road clearing.
Kamatuoran niini adunay nagreport sa 8888 sa maong hisgutanan.
Sa pamahayag ni Natividad nga anaa sa 88 ka pamilya sa Lot 1, Sogod Apopong ning syudad ang angayang ma-relocate.
Matud pa ni Mary An Bacar, department head sa City Housing Land and Management Office (CHLMO) nga una ang pandemic nag-estorya na sila ni Kap. Nativdidad kalabutan sa P17 million nga pondo sa iyang buhatan alang sa relocation site.
Ang iyang rekomendasyon sa konseho nga hatagan og katungod si Kap. Natividad sa pagpalit og yuta aron paspas ang proseso.
Gibutyag a ni Bacar nga may gikatakda nga panahon ang tag-iya sa yuta aron kini mapalit.
Matud pa ni Bacar nga ang R1 to R8 nga nahimutang sa Apopong ang okopado na ning higayon sa mga informal settlers gikan sa nagkadaiyang bahin sa syudad.
Samtang gamay na lang ang nahibilin nga house and lot nga gihatag sa National Housing Authority (NHA) sa syudad didto sa Guardians Hills, sa Bawing syudad.
