GENERAL SANTOS CITY – Ensakto 1,000 na ang kaso sa COVID 19 sa dakbayan sa Heneral Santos.
Kini human nadugang ang 18 ka kaso sa COVID 19 kagabii base sa labing ulahing tala gikan sa DOH – Center for Health Development Soccsksargen Region.
Kahibaluan nga sa report 43 ang nadugang sa listahan sa COVID 19 sa Region 12 kung asa 42 ang bag-ong nakarekober og upat ang natala nga namatay.
Samtang ang Koronadal City may nadugangnga 10 ka kaso lakip ang Cotabato City, North Cotabato City tatlo samtang ang Sarangani adunay duha ka dugang kaso nga natala.
Sa pagkakaron nagpabiling gapanguna ang GenSan nga may 1,000 kaso sa COVID 19, anaa sa 167 ang active cases og 40 ang patay.
Ang ikaduha nga pwesto ang South Cotabato ang may 928 ka kaso samtang 202 ang active cases og 16 ang patay.
Ang Cotabato City ang may 798 ka kaso, 161 ang active cases og 31 ang patay.
Ang Sarangani ang may 335 ka kaso samtang 73 ang aktibo og 12 ang patay.
Ang North Cotabato ang may 274 ka kaso sa COVID 19 samtang 39 ang active cases og 11 ang patay.
