GENERAL SANTOS CITY – Dili lang sa ilegal nga droga apan nalambigit usab sa kasong carnapping ug pagpamusil sa Gensan ug South Cotabato ang usa ka target nga napatay sa buy-bust operation sa may Purok Felomina, Barangay Calumpang aging adlaw.
Ang suspek nailhan nga si Rolly Elorme, hamtong ang pangidaron nga residente sa Barangay Maltana, Tampakan, South Cotabato.
Sa imbestigasyon sa Police Station 5, nakamatikod ang suspek nga pulis ang iyang nakatransaksyon mao nga nisuway kini ug sibat apan nacorner sa kapulisan.
Didto na nibunlot sa iyang .38 revolver ang suspek dayon gipabuthan ang kapulisan.
Paspas nga nakabalos ang mga police nga miresulta sa pagkaigo sa suspek sa iyang lawas.
Dali usab kining gidala sa ospital apan gideklarang dead on arrival.
Narekober gikan sa posisyon niini ang usa ka sachet sa gikatahapang shabu ug P500.00 nga marked money ingon man 38 revolver.
