Lagao PNP abli na sa publiko human sa pipila ka aldaw nga gipailawom sa quarantine ang mga personahe

GENERAL SANTOS CITY – Abli na sa publiko ang Lagao Police Station og mamahimo na usab nga muatiman sa mga adunay transaksyon sa maong presinto.

Matud pa kang P/Major Ruelito Lumiguid ang hepe sa maong presinto nga nakalabay nga adlaw pa nibalik ang operasyon nila human nga gipailawom sa pipila ka adlaw nga quarantine tungod sa pagpositibo sa pipila ka mga personahe.

Gisiguro sa opisyal nga walay kabalak-an ang publiko sa pag-adto sa Lagao Police Station tungod tanang ginsakpan ang luwas na sa makamatay nga virus.

Nasayran nga unang gipailawom sa isolation usab ang mga personahe sa Bula PNP sa dakbayan gumikan na-exposed ang mga naka-destino nga mga pulis sa maong presinto sa positibo sa CIVID 19