GENERAL SANTOS CITY – Nagpahinumduman ang Simbahang Katoliko kabahin sa pagsaulog sa nagkaduol nga Kalag-Kalag.
Matud pa ni Father Ricky Legario, parish priest sa Santo Niño de bula Parish Church sa pakighinabi sa Bomboradyo kaniya nga angayang sundon ang guidelines nga gipatuman sa lokal nga gobyerno.
Gikadugang pa ni Fr.Legario may kalahian na karon ang sitwasyon tungod sa nasinatiang pandemya tungod sa coronavirus disease.
Base sa gipagawas nga ordinansa nga ginadili ang pag-adto sa mga sementeryo karong Oct. 29 hangtud Nov. 4, 2020 tungod sirado kini sa publiko.
Dugang pa ni Fr. Legario, walay blessing nga mahitabo og gidid-an ang mga mga layco operator nga muadto sa mga sam-ang aron mag blessing sa mga lubnganan.
Hinuon, gihangyo ang kaparain ilabi sa mga parokya nga sa ilang lugar nga sila mismo ang muadto sa sementeryo ug maoy mag-blesssing sa mga lubnganan.
