Laing nalambigit sa ilegal nga droga patay human misukol

GENERAL SANTOS CITY – Laing nalambigit sa ilegal nga droga ang napusilan patay sa mga otoridad human misukol sa natigayong buybust operation.

Ang suspek ang nailhan sa pangalan nga si Cleland Godoy, 32 anyos nga residente sa Purok Ondok Gawan, Sinawal ning syudad.

Sa dihang nagmatikdan nga pulis ang katransakyon nagbunot ang nasampit sa iyang pusil apan naunhan nga maoy hinungdan sa iyang kamatayon.

Gibutyag nga dugay na nga gimonitor sa kapulisan ang kalihokan sa nasampit nga biktima.

Matud pa nga ang nasampit ang bag-o lang nakagawas sa bilangguan tungod sa kasong murder.
Gibutyag nga ang maong tawo ang nailhan nga gun for hire.