GENERAL SANTOS CITY – Mukabat sa 40 ka stranded Filipinos gikan sa North Sulawesi, Indonesia, ang nakauli sa Pilipinas.
Matud pa sa Department of Foreign Affairs kon DFA, nga ang paghikling ang natigayon pinaagi sa kooperasyon sa Philippine Consulate General sa Manado, og sa Philippine embassy sa Jakarta ingon usab ang DFA Consular Office sa General Santos.
Ang ikaduhang batch sa mga gihikling gikan sa Manado ang gisugat sa Philippine Coast Guard (PCG) vessel nga “BRP Tubbataha”sa miaging October 15 human nga gihatagan og diplomatic clearance gikan sa Government of the Republic of Indonesia.
Ang barko ang midunggo sa pantalan sa GenSan sa miaging Oktobre 17, 2020.
Ang lokal nga gobyerno sa GenSan, Davao City, Mati City, Glan og Malungon sa Sarangani Province, lakip sa Governor Generoso sa Davao Oriental, ingon usab sa Sarangani, og Sta. Maria in Davao Occidental, ang maoy misugat sa ilang mga residente.
Isip pagtuman sa health protocols ang gipailawom sa swab test og pag-abot sa tagsa-tagsa ka mga lugar ang i-quarantine sulod sa 14 ka adlaw.
