GENERAL SANTOS CITY – Miapila si Mary An Tan Bacar, administrator sa Antonio C. Acharon Memorial Park (ACAMP) sa katawhan nga karon pa lang bisitahon na ang mga sementeryo kung asa didto gilubong ang mga minahal sa kinabuhi.
Matud pa ni Bacar nga istriktong ipatuman ang pagsirado sa ACAMP og laing mga pribadong og pampublikong sementeryo sugod Oktobre 29 hangtud Nobyembre 4, 2020.
Sa iyang pamahayag nga ang maong kamanduan ang dili lang gikan sa kang Mayor Ronel Rivera apan gikan sa national office.
Tungod niini i-kandado ang ACAMP og laing mga sementeryo kung asa may pulis nga magbantay aron dili makasulod ang mga tawo.
Dul-an na sa 14,000 ang mga bukog nga gibutang sa common bone chamber og kapin sa 2,000 ang anaa sa individual bone chamber.
Sa common bone chamber walay bayad apan sa individual bone chamber kada tuig magbayad og P1,000.
