GENERAL SANTOS CITY – Duha ka presinto sa kapulisan sa dakabayan ang gipailawom sa isolation ang kasagarang pulis.
Matud pa kang City PNP Director P/Col. Gilberto Tuzon, nga kini mao ang San Isidro PNP og Lagao PNP.
Sa iyang pagpaklaro nga dili gikan sa mga pulis anaa sa maong presinto ang may positibo sa COVID 19 apan gikan sa mga kabanay sa mga nasampit.
Mas gipakamaayo nga himoon ang isolation aron masiguro ang kahimsog sa tanang mga pulis, lakip na ang mga piniriso og ang mga tawo nga gaadto sa maong presinto sa kapulisan.
Sa pagkakaron adunay laing unit sa mga pulis ang gideploy sa maong mga presinto aron muserbisyo sa katawhan.
Gikadugang pa ni Tuzon nga ang San Isidro PNP og Lagao PNP ang wala una gipasudlan sa mga tawo kung asa may laing area nga gimuntar aron padayon ang pagserbisyo.
Kahibaluan nga dili kini labing unang nahitabo sa syudad nga may presinto sa kapulisan nga temporaryong gisirad-an human nga na-exposed sa COVID 19 ang mga pulis.
Ang labing una mao ang BULA PNP nga gipagilawom usab sa isolation ang mga personahe.
