GENERAL SANTOS CITY – Kapin sa P600, 000 nga kantidad sa illegal drugs ug 102 ka tawo ang naaresto samtang tulo na ang namatay sa gipahigayon nga sunod -sunod nga anti crimnality campaign sa Region 12.
Gawas niini daghang matang usab sa armas ang narekober sa kapulisan kauban ang mga sakop sa Philippine Drug Enforcement Agency (PDEA 12)sa ilang operasyon.
Naapil niini ang pagpatuman sa search warrants, warrants of arrest, buy-bust operations ug uban pang anti crimanality campaign.
Mukabat sa 124 ka sachets sa suspected shabu nga may timbang nga 88.411 grams nga may market value nga P596, 200.00 ang nakumpiska.
Anaa usab sa 19 ka pinutos sa marijuana nga nagkantidad ug P5,000.00 ang narekober sa mga otoridad.
Nasuta nga 102 ka mga indibidwal ang naaresto nga 43 ang wanted person samtang 32 sa illegal gambling ug 27 sa illegal drugs.
Samtang tulo ka mga drug personalities ang napatay human misukol sa mga otoridad.
Mukabat sa 25 ka armas ug mga bala lakip ang 15 ka eksplosibo ug P 7,594.00 nga bet money.
Gani gidayeg ni P/BGen Michael John Dubria ang mga sakop niini sa malampusong operasyon.
