GENERAL SANTOS CITY -Mukabat sa 32 ang nadugang nga kumpirmadong kaso sa COVID 19 sa Region 12 hinungdan nga misaka sa 2,144 ang katibuk-ang kaso sa maong sakit.
Basi sa ulahing report sa Department of Health-Center for Health Development SOCCSKSARGEN Region, sa maong ihap anaa sa 619 ang padayong nagpaayo o kadtong active cases, misaka pa sa 1,462 ang nakarekober sa sakit human nga adunay 25 nga bag-ong nagmaayo sa sakit.
Samtang mitala na sa 62 ang covid -19 related deaths sa rehiyon.
Ang GenSan mukabat na sa 605 ang kumpirmadong kaso sa COVID 19 kung asa 251 ang active cases.
Ang gapanguna sa listahan nga may labing daghang kaso sa COVID 19 ang South Cotabato nga may 612 ka kaso og 162 ang actives cases.
Ang ikatulo ang Cotabato City nga anaa sa 441 og 123 ang active cases.
Ang North Cotabato 184 ang kaso og 46 ang aktibong kaso.
Ang Sarangani 155 ang kaso sa Covid-19 og 27 ang padayon pang nagpaayo samtang 147 ang kaso sa Covid-19 sa Sultan Kudarat og 10 ang active cases.
