GENERAL SANTOS CITY – Sugod Oktobre 29 hangtud sa Nobyembre 4, 2020 sirado ang tanang mga pampubliko og pribadong mga sementeryo sa dakbayan sa Heneral Santos.
Matud pa ni Mary An Bacar, department head sa City Housing Land Management Office (CHLMO) nga adunay gipanday nga ordinansa ang dakbayan kalabutan niini kung asa iyang gipadala ang kopya sa mga barangay kapitan nga may sementeryo sa ilang lugar.
Sa iyang pamahayag nga mahimo nga makabisita sa mahal sa kinabuhi sa mga sementeryo una ang maong pesta o kaha pagkahuman sa Nobyembre 4.
Ang tumong sa maong balaod aron nga dili magtapok ang daghang tawo sa sementeryo nga hugot nga gidili ning higayon gumikan sa pandemnya.
Ang apila ni Bacar sa katawhan nga pwede sa balay himoon ang pag-ampo alang sa namatay nga mga mahal sa kinabuhi.
Nasayran nga si Kag. Rosalita Nuñez ang maoy author sa nasampit nga ordinansa.
