GENERAL SANTOS CITY – Hustisya ang gisinggit sa pamilya sa usa ka motorista nga gipusil patay Provincial Road, Barangay Lapu, Polomolok, South Cotabato.
Ang biktima ang nailhan sa pangalan nga si Abdul Tahir, 61 anyos, electrician, residente sa Purok Maguindanao, Brgy. Lumakil, Polomolok, South Cotabato.
Sa imbestigasyon nga atol sa insidente wala nag-inusara ang biktima sakay sa motorsiklo.
Gibutyag nga wala naigo ang kauban nga usa ka babaye nga residente usab sa maong lugar.
Duha ka lalake nga nagsakay sa motor ang mipatad sa mga biktima og maoy namusil.
Gidala pa sa tambalanan ang biktima apan wala makaagwanta sa duha niini ka samad sa likod nga bahin sa ulo hinungdan nga nakabsan sa kinabuhi.
Nakuha sa crimescene ang tulo ka basyo sa caliber 45 pistol ug motor lakip na ubang personal nga gamit nga gitugyan usab sa mga kabanay sa biktima.
