GENERAL SANTOS CITY – Nanghinaut si Kag. Jeng Gacal, chairperson sa Committe on Finance sa konseho nga unta mas sayo ipasa sa executive department ngadto sa iyang komitiba sa 2021 proposed budget.
Matud pa ni Kag. Gacal nga kasagarang mahitabo nga una ang Oktobre 15, makaabot na sa iyang komitiba.
Angayang mas sayo ning higayona tungod lisod ang sitwasyon gumikan sa pandemnya.
Dili sama kaniadtong nga pwede nga daghan ang magtambong sa committe hearing tungod wala pa ang krisis nga nasinatian.
Sa pamahayag ni Kag. Gacal nga mas gamay ang budget sa sunod tuig itandi sa 2020 gumikan gamay ang collection sa syudad.
Nasayran nga anaa sa P2.4 billion ang budget sa 2020 nga maoy kasamtangang gigamit nga pondo.
Sa pamahayag niini nga daghan ang nanirado nga mga negosyo og ubay-ubay ang nalugi samtang ang uban ang nagkunhod ang ilang kita.
