Executive Department wala pa mihangyo og dugang pondo sa SP alang sa COVID 19 response

GENERAL SANTOS CITY -Walay gihangyo pa nga dugang budget sa executive department ngadto sa konseho alang sa COVID 19 response.

Matud pa kang Kag. Jeng Gacal, chairperson sa Committe on Finance sa konseho nga sa pagkakaron dako na kaayo ang napagawas nga pondo alang sa COVID response nga kapin sa dul-an na sa P800 million.

Gilauman nga madugangan pa ang ipagawas nga pondo una mahuman ang 2020 tungod nagpadyon pa ang problema sa COVID 19.

Luyo sa dakong pondo nga napagawas apan may kwarta pa ang syudad nga magastos og angayan gamiton sa labing mahinungdanon nga gastuhan.

Una niini gibutyag ni Kag. Gacal nga dakong kantidad sa maong pondo ang gipalit sa pagkaon nga gihatag sa katawhan sa syudad.