GENERAL SANTOS CITY – Anaa sa maayong kondisyon og nagpakita og dakong improvement ang coral ecosystem sa Sarangani Bay.
Base kini sa assessment sa Sarangani Provincial Environment and Natural Resources Office (PENRO).
Matud pa kang Rolando Tuballes, labaw sa maong buhatan, bunga kini sa padayong halapad nga rehabilitation program nga gi-implementar sa mga lokal nga gobyerno, mga hintungdang ahensya og local stakeholders.
Makit-a ang mga coral reefs sa Barangay Kawas Alabel; Lot og Pananggalon Poblacion sa Malapatan; Colon og Kamanga sa Maasim; Glan Padidu marine sanctuary sa Glan og Tuka sa Kiamba.
Ang Tuka Reef nga kabahin sa Tuka Marine Park ang una og malampusong coral transplantation area sa Sarangani.
Napadayon sa PENRO ang inisyatibo og gani ang mga personahe niini kauban sa Municipal Environment and Natural Resources Office sa Kiamba ang nagpahigayon og laing hugna sa coral transplantation sa miaging bulan.
