GENERAL SANTOS CITY – Mukabat sa 1,279 ang nadakpan sa kapulisan sa dakayan sa implementasyon sa Oplan Kabalikat.
Ang datos nga gipagawas sa General Santos City Police Office sugod Sept. 26 hangtod alas 6:00 sa buntag niadtong Sept 27, 2020.
Matud pa ni PCol. Gilberto Tuzon, ang Acting City Director sa GSCPO nga sa 1,200 kapin ka violators, 12 niini nasikop, 15 gimultahan, 1,552 ang nakalapas sa mga health protocols og ordinansa nga ginapatuman sa dakbayan.
Apil niini ang bayolasyon sa wala pagsul-ob og facemask nga mukabat sa 153 ang nadakpan, wala pagsul-ob og faceshield anaa sa 202 ang nadakpan, paglapas sa social distancing protocol 371 ang nadakpan, 166 ang violators sa quarantine pass og sa odd even scheme anaa sa 99 ang nadakpan.
Awhag sa kapulisan nga musunod sa mga patakaran nga gipatuman aron dili mamultahan og makasuhan.
