GENERAL SANTOS CITY – Gipadayon sa kapulisan sa syudad ang Oplan Sita, Oplan Bitag batuk sa mga riding in tandem criminals panahon sa kagabhi-on.
Kini ang pahayag ni Gensan OIC City PNP Director Police Colonel Gilbert Tuzon human miatubang sa Konseho aron mag-courtesy call sa Sangguniang Panglungsod aron maila-ila ug mahimamat sa mga opisyal sa dakbayan.
Atubangan sa konseho misaad angsi Tuzon nga pahugtan ang seguredad sa nasundan nga opisyal hilabina na nga ang dakbayan ang pilot project sa Gensan Big Eye.
Matud ni Tuzon, nga sa iyang liderato pakusgan ang kampanya kontra iligal nga droga apil ang mga pasugalan.
Dad-on usab niini ang kapulisan sa mga barangay pinaagi sa pakiglambigit sa mga barangay opisyal.
Gipangayo usab sa nasampit ang kooperasyon sa mga barangay opisyal aron pakusgan pa ang pagbantay sa ilang lugar tungod gituhu-an nga makatabang ang presensiya sa kapulisan alang sa pagmintinar sa kahapsay ug kalinaw.
