GENERAL SANTOS CITY– Pulos gabaligya og iligal nga droga ang tulo nga napatay sa operasyon sa mga otoridad Polomolok South Cotabato og ang usa ang financial supporter sa terorista nga Dawlah Islamiyah-Soccsksargen Nilong Sub-Group.
Una nga nagpahigayon og operasyon sa Nat’l Highway Brgy. Glamang nga nagresulta sa kamatayon sa drug suspect nga si Conrado Kasabal, 47, usa ka fixer sa Land Transportation Office(LTO), residente sa Hamela St Brgy. Poblacion.
Nagpailang poseur buyer ang usa ka pulis ug mipalit sa suspek og usa ka heatsealed transparent plastic cellophane nga dunay unod sa gituohang shabu.
Apan nakamatikod ang suspek nga pulis ang ka-transaksiyon rason nga mibunot og pusil og gipabuto sa kapulisan apan naunhan kini sa mga pulis rason nga nakaangkon ug mga samad pinusilan.
Gidala kini sa ospital apan gideklara sa attending physician nga patay na. Nakuha gikan sa suspek ang usa ka heatsealed transparent plastic cellophane nga dunay unod suspected shabu, P500 bill nga gigamit isip buybust money ug usa ka unit sa home made single shot pistol.
Nakumpiska usab ang motorsiklo og droga.
Sa ikaduhang operasyon, target sa ginsakpan sa City Police Drug Enforcement Unit ang suspek nga si Leo Tuba.
Sa kapinyahan sa Brgy Pagalungan natigayon ang pagtunol sa suspek og droga sa usa ka pulis nga nagpakaaron-ingnon nga poseur buyer. Sakay sa Innova ang suspek kauban ang nagpangalan og Moises Sarco.
Nakamatikod ang suspek nga pulis ang katransaksyon hinungdan nga mibunot og pusil apan abtika usab nga nakapabuto ang kapulisan hinungdan nga nakaangkon og mga samad sa lawas ga hinundan sa iyang kamatayon.
Gipahigayon ang follow-up operation sa Purok San Miguel Brgy. Klinan 6 Polomolok human nga nakasibat si Sarco kung asa ang nasampit ang nagpagukod og misukol sa kapulisan hinungdan nga gi-baslan og pabuto og naigo sa nagkadaiyang parte sa lawas hinungdan nga diha-diha namatay. Kahibaluan nga narekober sa posisyon ni Tuba ang granada samtang pusil kang kay Sarco.
Sa karon ang patay nga lawas sa tulo ang naa sa punerarya.
