GENERAL SANTOS CITY- Unconscious na ang negosyanteng ginang dihang gihilabtan sa menor de edad nga suspek ang iyang pribadong bahin sa lawas human nga iyang gidunggab patay og gidokdok og maso ang ulo.
Matud pa ni P/Major Ruelito Lumiguid , hepe sa Lagao POlice Station nga positibong nalugasan si Darlene Dagsan Tupaz, 45 anyos taga Dinoga Subd Brgy Lagao basi sa resulta medico legal nga gipahigayon sa patayng lawas sa biktima.
Kahibaluan nga dihang girespondihan sa otoridad ang krimen, naabtan ang biktima sa iyang lawak napaubos ang underwear gawas nga naligo sa kaugalingong dugo samtang ang suspek nga si Alias Junior ang misibat na.
Una niini gipanghimakak sa suspek nga gilugos dihang misurender sa kapulisan kuyog sa igsuon apan dili makalusot kay migawas ang resulta sa gipahigayong paghiling sa patay nga lawas sa negosynate.
Gibutyag ni Lumiguid mag-atubang sa rape with homicide ang suspek nga karon naa sa Bahay Pagasa sa Sinawal ning syudad.
Gihulat na lang nila ang decertment sa DSWD aron pormal nga mapasakaan og kaso ang suspek.
