GENERAL SANTOS CITY – Mukabat sa walo ka sachet sa shabu ang nakumpiska gikan sa duha ka tawo nga nasikop gumikan sa ilegal nga droga.
Ang buy-bust operation ang gihimo sa Philippine Drug Enforcement Agency (PDEA) Cotabato Provincial Office, Kidapawan City Police Station og 72nd IB Philippine Army sa miaging September 8, 2020, sa Purok 3A, Brgy. Magsaysay, Kidapawan City.
Ang nasikop ang mga high value targets nga silang Nickerson Amefda og Jay-Ar Bunani nga pulos lakip sa target-listed personalities.
Mukabat sa P3,400 ang kantidad sa maong walo ka sachet sa shabu.
Gawas pa niini nakumpiska ngadto kanila ang nagkadaiyang matang sa drug paraphernalia og caliber .45 pistol nga may magazine og mga buhing bala.
Nasayran nga si Amelda ang nasikop na kaniadto gumikan sa pagsupak sa Republic 9165 sa Davao kung asa nag-avail sa plea bargain kaniadtong 2019 apan mibalik sa pagbaligya sa ilegal nga droga.
