GENERAL SANTOS CITY – Kapin sa 800 ka mga enumerators og laing mga staff ang na-hire sa Philippine Statistics Authority (PSA) Sarangani og GenSan alang sa matigayong national census nga magsugod sa September 1, 2020
Gibutyag sa Bombo Radyo GenSan ni Ismael Ramos, labaw sa PSA Sargen nga dako hagit ngadto kanila ang isyu kalabutan sa COVID 19.
Gikadugang pa sa nasampit nga opisyal nga luyo sa nasinatian nga COVID 19 apan padayon ang ilang mga gimbuhaton tungod ang census ang mahinungdano nga basehan sa mga ipatuman nga mga programa.
Sa pamahayag ni Ramos nga ang mga enumerators ang hatagan og facemask, alcohol, og laing mga gamit aron makalikay sa virus.
Hugot nga ipatuman usab ang mga health protocols sa mga enumerators.
Giangkon ni Ramos nga may mga enuerators na ang nag-back out kung asa ilang nasabtan ang sitwasyon.
Kung may magback-out samtang gapadayon ang census may mga plano na ang PSA kung unsa ang himoon.
Adunay standby nga mga enumerators aron maoy magpuli.
Nasayran nga sa miaging Mayo 2020 unta magsugod ang census apan gisibog tungod sa COVID 19.
