GENERAL SANTOS CITY– Nahuli ng mga otoridad ang umanoy KAPA member at sumala pa nalambigit sa pipila ka kidnapping activities.
Matud pa ni Police Captain Rommel Hitalia, ang Deputy Chief sa Polomolok Municipal Police Station gidakop pinaagi sa standing warrant of arrest sa kasong murder ang nagpangalan og Crispin Pariolan.
Sakop sa PNP Anti Kidnapping Group Cotabato og kapulisan sa Polomolok ang nagdakop sa maong akusado sa balay niya sa Brgy. Cannery Site Polomolok kung asa ang standing warrant of arrest sa nasampit ang gipagawas ni Hon. Judge Jose Tabosares sa Regional Trial Court (RTC) Branch 16 Kabacan Cotabato Judicial Region.
Unang gidala si Pariolan sa Polomolok Municipal Police Station og dayon nga gibalhin sa PNP Anti Kidnapping Group satellite Office sa South Cotabato.
Sa pahayag ni Major Ronnie Lumactod, tigpamaba sa PNP Anti Kidnapping Group Cotabato nga giaresto s Pariolan human nalambigit matud pa kini og gitudlong usa sa mga suspek sa pagpatay kay Rodolfo Poquinto sulod sa usa ka hardware store sa Brgy Sangat Cotabato niadtong 2019 og nalambigit sa pagkidnap kang Rogelio Casida niadtong 2019 og Remely Iral sa GenSan niadtong Enero 2020.
Si Pariolan usab gikanayong trusted follower sa KAPA international. Kahibaluan nga ang founder sa KAPA nga si Joel Apolinario ang gidakop sa kasong syndicated estafa og paghupot og ilegal nga mga armas hinungdan nabilanggo karon kauban ang asawa nga si Reyna og uban pang kaubanan.
Ang KAPA gipahunong sa gobyerno human sa pagpangilad sa katawhan kung asa misaad og 30% interes sa mga investors.
