GENERAL SANTOS CITY – Patay ang usa samtang nakadagan ang laing suspek sa buybust operation nga gipahigayon sa kapulisan kagahapon sa hapon.
Mga sakop sa kapulisan sa Polomolok ang nagpahigayon ug drug bust sa Klinan 6, Polomolok sa nagpangalan ug Alfonso dela Cruz hamtong ang pangidaron residente sa Cannery Site, Polomolok South Cotabato.
Duha matud pa ang nakigsabut sa pabaligya ug druga apan dihang nagsugod na ang transaksyon sa droga nakamatikod ang usa hinungdan nga midagan ug gibiyaan si dela Cruz.
Wala na matud pay nahimo ang suspek hinungdan nga gikuha matud pa ang dala nga armas ug pusilon unta ang kapulisan apan naunahan kini hinungdan nga nakaangkon ug daghang samad.
Matud sa kapulisan nga adunay standing warrant ang suspek sa pagsupak sa Section 11 sa Republic Act 9165 ug restraining order nga dili paadtuon sa Cannery Site tungod sa kaso nga pagpangawat.
Nakuha sa crime scene ang walo ka pakete sa gituhuang shabu ug usa ka 38 revolber.
