GENERAL SANTOS CITY– Dakpan sa hiniusang pwersa sa PDEA og PNP sa gipahigayong operasyon ang duha ka contractual employees sa Sarangani Medical Center.
Matud pa kang Kath Abad, tigpamaba sa PDEA 12 nga gipahigayon ang Alabel, Sarangani Province og General Santos City. Alas 3:40 sa hapon dakpan ang nagpangalan og Reu Karl Acebedo Alias Karl, 28, Administrative staff, residente sa Purok Fatima, Brgy. Maribulan, Alabel, Sarangani Province.
Nakumpiska atol sa operasyon ang unom ka sachets sa suspected shabu nga may street value nga P1,360.00 og P500 buy-bust money.
Pagka-alas 7:00 sa gabie, gipahigayon ang follow-up operation sa Purok 2, Brgy. Buayan, GenSan nga nagresulta sa pagkadakop sa suspek nga si Samuel Tupas Jr Alias Sam, 32, ambulance Driver, residente sa San Antonio Village, Koronadal City, South Cotabato.
Nakumpiska sa nasampit ang tulo ka pakete sa suspected shabu nagbalor og P2,040.00.
Matud pa ni Abad, si Tupas ang ginakuhaan matud pa og iligal nga droga ni Acebedo kung asa ang gapamaligya ang duha sa Gensan, Alabel og uban pang lugar sa Sarangani Province.
Kasong paglapas sa Section 5 og 11, Article 2, RA 9165 ang ipasaka batok sa suspek.
