GENERAL SANTOS CITY – Patay ang tricycle driver human nga misukol matud pa sa otoridad sa gipahigayong Buy-bust operation kalabutan sa pagsupak sa RA 9165 atubangan sa Territoryo KTV Bar sa Purok Stella Mariz, Barangay Tambler ning syudad.
Giila ang suspek nga si Oliveros Bacalso Arevalo alias Tigang, 36 antos, minyo nga residente sa Block 9,Lot 4,Purok Bayanihan,Barangay Fatima.
Matud ni PLtC Geovanni E. Ladeo. labaw sa RPDEU 12, kauban nila sa operasyon ang ginsakpan sa RID 12, Tambler Police Station sa koordinasyon sa PDEA 12.
Atol sa operasyon, napalitan sa poseur buyer og usa ka gamay nga heat sealed transparent plastic sachet nga may sulod nga shabu ang suspek gamit ang P500.00.
Namatikdan sa suspect nga paduol ang mga operatiba aron sikupon ang suspek hinungdan nga mibunot sa iyang pusil og nagpabuto.
Paspas nga nakabalos sa pagpabuto ang poseur-buyer og uban pang mga pulis hinungdan nga nakaangkon ang suspect ug nga samad sa lawas.
Paspas nga gidala sa kapulisan ang suspek sa ospital apan gideklara nga dead on arrival sa attending physician nga si Dr. Santa Rodriguez.
Narekober atol sa operasyon ang usa ka gamay nga heat sealed transparent plastic sachet nga may shabu, usa ka unit sa Caliber 38 revolver walay serial number nga may tulo ka rounds sa buhing bala sa Caliber 38 revolver og duha ka fired cartridge case sa Caliber 38 revolver ; upat ka fired cartridge case sa Caliber 9mm pistol.
Narekober usab ang P500.00 marked money , lain nga 29 ka heat sealed transparent plastic sachets nga mau sulod nga shabu nga nasulod sa cigarrete box sa sigarilyo.
Nasuta nga kagahapon, nagresulta usab sa kamatayon sa suspek ang operasyon sa mga otoridad nga gipahigayon sa Prk 7 Aradaza. St. Lagao ning syudad.
Gikaingong misukol ang suspect nga si Aquilino Asuncion Ramos Jr, kung asa nakuhaan og usa ka sachet sa gituohang shabu.
Nadala pa sa balay tambalanan ang suspect apan gideklara usab nga dead on arrival.
