GENERAL SANTOS CITY – Gitugtan sa mga sakop sa Highway Patrol Group (HPG) ang paggamit sa mga motor sa improvised barriers luyo sa kakulang sa standard materials nga gusto nga ipagamit sa IATF .
Matud ni Police Capt. Elmo Flores, nga ilang ginakonsedera ang kapit-os sa mga rider ug pasahero nga mugamit sa hinimo nga separators basta dili makompromiso ang safety sa pagmaneho.
Mamahimo usab gamiton ang transparent cellophane nga ibutang sa improvised frame nga ibutang luyo sa driver nga magdepende sa tipo sa motor.
Apan mas giuyunan niini nga ipagamit ang prototype nga aprubado sa gobyerno aron kapugngan ang pagkatag sa coronavirus disease 2019.
Matud ni Florez nga mamahimo gihapon nga gamiton ang prototype nga gi indorso ni Bohol Gov. Arthur Yap nga adunay steel frame nga adunay plexiglass o plastic nga gitaod.
Gikadugang ni Florez nga nagsugod na sila sa pagpanakop sa mga motor rider nga wala misunod sa City Ordinance No. 34 nga gitawag ug social distancing regulation.
Multa nga P2,000 ang ipahamtang sa mga motorista og tulo ka adlaw nga community service.
