GENERAL SANTOS CITY – Ubay-ubay ang mga aktibidad nga giandam sa Sarangani Province alang sa kasaulogan ng Buwan ng Kabataan.
Gibutyag sa Bombo Radyo GenSan ni Gretchin Boni, Project Manager sa Sulong Kabataan sa Sarangani Province nga sulod sa usa ka bulan daghan ang makat-unan sa mga batan-on luyo sa nasinatian nga pandemnya sa COVID 19.
Gikadugang pa ni Boni nga ang Buwan ng Kabataan ang gibahin sa upat ka mga dagkong aktibidad.
Kini mao ang Stulen o Usapang Sarangani nga usa ka online webinar.
Ang stulen ang usa ka Blaan nga pinulungan nga gibahin sa tulo ka episodes.
Ang unang episode nga ang gitawag nga #Fact Ganern! nga gipahigayon sa miaging Agosto 7 nga ang gihisgutan mao ang isyu sa pandemic.
Ang ikaduha ang gikatakda sa Agosto 14, nga gitawag nga #Buzz Green.
Hisgutan ang isyu kalabutan sa kinaiyahan bisag sa nasinatian nga pandemic.
Ipahigayon ang virtual talk pinaagi sa reigning Ms. Earth Philippines 2020 nga si Roxanne Baeyens.
Ang ikatulo ang #Bida kabataan sa kooperasyon sa Batang Star Philippines nga hisgutan ang youth empowerment og indigenous people empowerment.
Gibutyag ni Boni nga ang ikaduha nga aktibidad sa Buwan ng Kabataan mao ang SJ Quarantrail nga hisgutan ang kalabutan sa mental health pinaagi ni Prof. Luz Doce, media information literacy, politics and governance, Rizal and Patriotism og Culture and Arts.
Samtang si Michelle Solon, ang first lady sa Sarangani ang mahimong speaker kalabutan sa Giving Voice to Values A Key Towards Community Development.
Ang ikatulo mao ang SK platform o Ulat Kabataan kung asa i-report sa mga SK president matag munusipyo ang ilang nahimo og mga plano pa sa sunod nga mga katuigan.
Ang ikaupat mao ang Radyo Para sa Baryo nga usa ka fundraising activity aron matabangan ang mga estudyante sa Sarangani nga makaangkon og radyo alang sa ilang pagtuon.
