GENERAL SANTOS CITY – Nagpadayon ang manhunt operation sa kapulisan sa Polomolok sa sakop sa Dawlah Islamiyah Maguid Group nga gitudlong responsable sa pagpatay ug pagkuha sa mga gamit sa usa ka traysikel driver.
Kini human gipusil patay ang nagpangalan ug Elesito Dignadice 59 anyos nga residente sa crossing palkan, Polomolok South Cotabato.
Matud kang Police Capt Rommel Hitalia deputy Chief of Police sa Polomolok Municipal Police station nga pauli na ang biktima gikan sa Lamian, Banga South Cotabato agi sa diversion road Surallah – Polomolok Road.
Paghidangat matud pa sa biktima sa barangay Koronadal Proper Polomolok South Cotabato gisundan ug gitaparan sa nakamotor ug nag-inusara nga suspek ug gipusil nga nagresulta sa pagkamatay niini.
Nahagbong sa motorsiklo ang biktima ug wala na kini maglihok hinungdan nga gikuha sa suspek ang halin sa nga mukapin dos mil pesos ug mga personal nga butang.
Nasuta nga sa naasoy nga barangay daghang krimen na ang nahitabo sama sa pag ambush sa upat ka Pulis nga gikamatay sa duha ug gikaangol sa laing duha pa.
