GENERAL SANTOS CITY – Anaa sa 110 na ang nagpositibo sa coronavirus disease 2019 sa Region 12.
Nagpangidaron og 18 anyos ang labing batan-on nga natakbuyan sa maong makamatay nga sakit.
Kasagaran sa mga nahisgutan ang gikan sa kauluhan.
Sa walo, unom ang taga Sarangani Province edad 35, 36, 37, 45, 46, 18 anyos, lima ang lalaki og usa babaye.
Ang nagpositibo nga residente sa South Cotabato usa ka babaye nga nag-edad 36 anyos samtang ang lain pang usa sa bag-ong nagpositibo ang taga North Cotabato 66 anyos apan wala pa masayri kung asa ang travel history niini.
Ang labing daghang kaso sa COVI D19 sa Region 12 mao ang south Cotabato nga may 33 ka kaso, Sultan Kudarat 22, Cotabato City 19, Sarangani 17, North Cotabato 17 samtang ang GenSan ang may unom ka kaso.
