Collection target sa 2020 lisod nga maangkon gumikan sa COVID 19

GENERAL SANTOS CITY – Nagtuo si Acting City Treasurer Rodilon Lacap nga lisod maangkon sa dakbayan ang target nga buhis karong tuiga tungod sa bahad sa COVID-19.

Sumala pa kang Lacap nga traget sa dakbayan ang P250 Million nga Real Property Tax alang ning tuiga samtang P400 million sa Bussiness Tax.

Gibutyag pa niini nga daghan ang mga negosyo ang naapektuhan tungod sa epedemnya hinungdan nga migamay usab ang ilang collection.

Apan adunay giandam nga hinabang aron makabangon ang mga negosyante nga nalugi tungod sa bahad sa COVID-19.

Gikumpirma usab niini nga anam-anam na nga mibalik ang mga aktibidad sa negosyo sa dakbayan.

Plano usab nga dili una pabayaron sa interes ug mga penalties apan ipaagi pa sa ordinansa nga pandayon sa konseho.