GENERAL SANTOS CITY – Nagpadayon ang gihimong pagsusi sa Makar PNP ang labing ulahing shooting incident nga gikalambigitan sa usa ka gwardiya nga gipusil sa nakamotorsiklo nga mga suspek.
Ang biktima ang nailhan nga si Cristopher Bedico, 45 anyos nga residente sa Purok 18, Paglangan, Barangay Apopong ning syudad.
Pagsayay ni Alias Joy, pag-umangkon sa biktima miabot sa ilang tindahan ang kulay itum nga motorsiklo nga gisakyan sa usa ka tambok ug payat nga mga lalaki.
Nagpakaron-ingnon nga mupalit sa tindahan ang payat nga lalaki nga angkas sa motor apan dihang nakita ang biktima nagpabuto kini makaduha ka higayon pataas ug ang ikatulo gipunting ang ulo sa biktima.
Matud ni Joy nga natumba gilayon ang iyang uyu-an ug wala na maglihok pa.
Paspas nga misakay sa motor ang suspek ug mipahilayo sa lugar samtang nagatotok kanila.
Basi sa pahayag ni Hanna ang anak sa kapuyo sa biktima nga gabantay sa Pendatun area ang namatay.
