GENERAL SANTOS CITY– Blangko ang pamilya kung unsa ang motibo sa pagpamusil sa ilang mahal sa kinabuhi sa mga nakamotorsiklo.
Kahinumduman nga sa ospital na nakabsan sa kinabuhi ang aqua culture major sa MSU nga si Salik Ompe Malabagan 21 anyos nga residente sa Purok 11, Fatima ning syudad human nga nakaangkon ug lima ka samad pinusilan.
Matud pa nga buotan og wala silay nasayran nga may kaaway ang biktima nga daghan pa unta og pangandoy sa kinabuhi.
Ang patay nga lawas sa biktima gidala dayon kaghaapon sa hapon sa Cotabato City aron didto ilubong. Hustisya ang singgit sa pamilya sa kamatayon sa batan-on.
Sa imbestigasyon sa kapulisan nga duha ka nakamotor nga mga lalaki ang namusil sa biktima.
Ala-una sa kaadlawon naa sa dalan ang biktima kuyog sa usa ka igsuon ug duha ka kaila .
Pipila ka minuto ang milabay may miabut nga duha ka lalaki nga nagsakay ug motor ang kalit namusil sa biktima.
Paspas matud pa kaayo nga mipahilayo sa lugar ang mga suspek samtang gidala sa usa ka tambalanan ang biktima apan wala kini magdugay nahunusan siya sa iyang kinabuhi.
