GENERAL SANTOS CITY – Gipasalig ni Police Director Aden Lagradante, labaw sa General Santos City Police Office nga ning bulan sa Hunyo mahatagan ug kasulbaran ang kamatayon ni Prof. Mohamad Abdul Gapor sa Mindanao State University(MSU) GenSan.
Sumala pa niini nga aduna nay gimugna nga Special Investigation Task Force Group ang kapulisan aron mututok sa pag-imbestiga sa kamatayon ni Prof. Gapor.
Gibutyag sa opisyal, tulo ka anggulo ang gi-istudyohan sa pagpatay sa magtutudlo mao ang bangi sa yuta sa iyang mga kabanay sa Polomolok South Cotabato ug Olarte Claim sa GenSan og ikatulo ang pagka-Imam ug pag-miembro sa biktima sa MILF.
Pagbutyag pa ni Lagradante nga nakiglambigit na sila sa Polomolok Municipal Police Station alang sa padayong imbestigasyon sa kaso.
Duhang pa niini nga may gihuptan na silang testigo.
Sa pamahayag pa ni Lagradante nga dili target ang asawa ni Prof. Gapor ug naangin lang kini sa panghitabo.
